नेपाल सरकार गृह मन्त्रालयले कुवतेका अमिर शेख नवाफ अल अहमद अल जाबेर अल सबाको निधनमा आधा झण्डा झुकाएर शोक मनाउने निर्णय गरेको छ । अमिर शेखको निधन प्रति मन्त्रालय गहिरो दुःख व्यक्त गर्दै आधा झण्डा झुकाएर शोक मनाउने निर्णय गरेको हो ।
मन्त्रालयले एक सूचनामार्फत मन्त्रिपरिषद्को निर्णयमा कुवेतका अमिरको सम्मानमा आज शोक मनाइने बताएको हो । सोमबार देशभरका सरकारी कार्यालय एवं विदेशस्थित नेपाली दूतावास र नियोगमा आधा झण्डा झुकाउने निर्णय गरेको छ ।
कुवेतका अमिर अल सबाको मङ्सिर ३० गते ८६ वर्षको उमेरमा निधन भएको थियो ।
