अम्मली हुँ  म राजनीतिको राजनीति गरिरहनुपर्दछ
कुर्सीको आडमा नै स्वार्थको गाग्रो भरिरहनुपर्दछ,
सामन्तीझैं जिउनका लागि ढुकुटी–फोर खेल खेली–
आसेपासेलाई पनि लाचार भै घाँस छरिरहनुपर्दछ ।

       – केशवराज आमोदी

के हाल छ भनी नसोध्नु तिमीले
 बेहाल छ यता नखोज्नु तिमीले
 बिना मतलबको यो दुखी संसारमा
 बिनासितै कसैको याद नरोज्नु तिमीले ।
      – संगीता सारथि

होइन है थर्किएकी ज्ञानी तिम्रै हुँ
   केही झर्किए तापनि ध्यानी तिम्रै हुँ 
   नसम्झ कत्ति पन्छाएँ भनी तिमीले
   अहिले मौन छु तर रानी तिम्रै हुँ ।

     – चन्द्रा न्यौपाने

मौरीको छुटेपछि संगत झिंगाले कता पु¥याउँछ
बुझ मुर्खलाई सदा झुटो प्रशंसाले सु¥याउँछ
चापलुसीको घेरा बाहिर नजर पुग्न सकेन भने
अन्ततोगत्वा त्यस्ले उस्कै उँचो शिर निहु¥याउँछ

       – पुष्पा केसी भण्डारी

आउन सक्छ पछि आँखामा जालो याद गरौं 
गोरो पनि भोलि हुन सक्छ  कालो याद गरौ
बुढाबुढी भनेर कसैले कसैलाई हेला गर्नु हुन्न
आफ्नो पनि आउँछ वृद्ध हुने पालो याद गरौं ।

      – लक्ष्मी नेपाल

वातावरण चीसो छ मन कसरी तातोस्
न्यानो मुटुको कुनाको राप सरी राखोस्
आजभोलि मुटु उपहार दिने चलन बढ्यो
मुटु बाँडेर खोक्रो छाती के गरी बाँचोस्  ।

                      – पौडेल बिमुन्स

हिँड्दा हिँड्दै बीच बाटोमै हराएको मान्छे म
आफ्नाबाट कत्ति सहयोग नपाएको मान्छे म
आफ्नाहरूलाई विश्वास गरी अघि बढ्दाखेरि
हरेक काम कुराहरूमा धोका खाएको मान्छे म ।

     – पारस भट्ट प्यासी

मैले चोट खाए पनि भोटनोट तिमीलाई दिए
इन्द्रेणीको सातैरङ्ग भए जस्तै मैले आँसु पिए
भनेजति चिताएका सबै सबै कुरा पुगोस् 
पीर बाधा आई ठुँगे चिरिएको मुटु सिए् ।

– अम्बिका अधिकारी

बिना प्रतिस्पर्धाको खेल खेल्दैछन् मान्छे
हुनुभन्दा नभएको दुःख झेल्दैछन् मान्छे
छलाङ मार्दै, हतासिदै त कहिले बतासिदै
आफैले आफैलाई धकेल्दै पेल्दैछन् मान्छे ।

प्रेमका चोट यति चोटिला हुन्छन् 
सम्झियो कि आ“खा आफै गिला हुन्छन् 
जति भुल्न खोज्यो उति याद आउ“छ
शायद यादहरू एकदमै बोझिला हुन्छन् ।

      –  लीला दाहाल 

सुनसान एकान्तमा दिल खोलेर रून मन छ 
अर्काेजन्म मिल्यो भने तिम्रै प्रिया हुन मन छ 
मनले चाहेर पनि समर्पित हुन सकिन्न रहेछ 
एकचोटि अँगालो हालेर तिम्रो बदन छुन मन छ ।

             – विद्या भण्डारी

कहिले काहीँ म छु तिम्रो साथ भनेर त हेर
मलाई पनि तै मनको कुनामा राखेर त हेर
कति गाह्रो हुन्छ एक्लै जिम्मेबारी वहन गर्न 
मैले जस्तै हर प्रहर एक्लोपन कटाएर त हेर ।

                – तारा आचार्य

कतिपयका आजदेखि बोल्ने बोली फेरिनेछन्
धरमरमा रहेकाको बिस्तारै ३लोली फेरिनेछन्
हारजितले हामी जस्तालाई कहीँ नभेटे तापनि
सौदावाजीमा चल्नेहरुका भने चोली फेरिनेछन्

       – शंकर ज्ञवाली

भलै नजिक नहोस्, तिम्रो साथको आभास होस्
स्मरण गर्दा तिमीले ,मनमा केही बात खास होस्
यही यादले सताउँछ, आफ्नो हुनुको अर्थ जताउँछ
तब फक्रीन्छ फुल्छ मायाको फूल मिठो सुवास होस्

नबोलेर उनीसित चाहना थियो तड्पाउने
पराइलाई सम्झे झैं गरेर उनीलाई सताउने
चोट उनीलाई लाग्दा फेरी आफ्नै मुटु दुख्ने
सोचे त्यसैले बित्थै उनीलाई किन जिस्काउने

        – कृष्णबहादुर थापा

नबोलेर उनीसित चाहना थियो तड्पाउने
पराइलाई सम्झे झैं गरेर उनीलाई सताउने
चोट उनीलाई लाग्दा फेरी आफ्नै मुटु दुख्ने
सोचे त्यसैले बित्थै उनीलाई किन जिस्काउने

        – कृष्णबहादुर थापा

गर्न जाने सबैतिर प्यार छ जिन्दगीमा  
चारैतिर अवसरको द्वार छ जिन्दगीमा 
सत्य र न्यायको पथमा हिड्ने सबैलाई 
जहाँ पाइला त्यहीँ संसार छ जिन्दगीमा ।

     – युवराज शर्मा

सही गलत के हो ? जान्ने बेला हो यो
भ्रष्टलाई दुष्टलाई लौरो हान्ने बेला हो यो
आ–आफ्नो हातले आफ्नै भाग्यरेखा कोर्न
असल नागरिकलाई छान्ने बेला हो यो ।

       – लक्ष्मी मुडवरी पण्डित

असामाजिक तत्वहरू जिलाउँदै लानुपर्छ
मानव हितका बस्तुहरू बचाउँदै लानुपर्छ
चेतनाको दियो बाली अन्धकारहरू मास्ने
अन्तरमनको अठोटहरू जोगाउँदै लानुपर्छ ।

    – अरूण कुमार भुजेल

दोषहरू देखाउन नहुने भो आजभोलि
अर्ति अनि उपदेशले नछुने भो आजभोलि
दशै दिशा भ्रष्टाचारी लोभी अनि पापी हुँदा
गङ्गा जलले कुनै पाप नधुने भो आजभोलि ।

    – अर्जुन अधिकारी

पहाडी भागमा छुकछुके मनो रेल आयो
मदेशतिर भान्साको धारामा  तेल आयो
हामी कौवा जस्ता जनताकालागी भने!
सिख्रो बोटमा काँचो र कट्मेरो बेल आयो।

    – शंकर ज्ञवाली