एमसीसी परियोजना अन्तर्गत बन्ने प्रसारण लाइन, सडक लगायतका पूर्वाधार विकासका काम तीब्र रूपमा अघि बढेका छन् । यही क्रममा ४ सय केभी विद्युत् प्रसारण लाइन निर्माण हुने बर्दघाट पूर्व, बर्दघाट सुस्ता पश्चिम, पाल्पा, तनहुँ, चितवन, धादिङ, सिन्धुपाल्चोक, नुवाकोट, मकवानपुर र काठमाडौंको दायाँबायाँ २३÷२३ मिटर क्षेत्रमा संरचना बनाउन र रूख रोप्न नपाउने सूचना जारी भएको छ । मन्त्रिपरिषद् बैठकले १ हजार ३ सय ८१ हेक्टर जमिनमा यस्तो रोक लगाउने निर्णय गरेको हो । यसअघि एमसीसी नेपाल विकास समितिले यस्तो निर्णय गरेर सरकारसँग यस्ता रोक लगाउन आग्रह गरेको थाहा भएको छ । एमसीसी परियोजना माओवादीले मागेको र सबैभन्दा बिबाद झिक्ने पनि माओवादी नै भएको विषय हो । विप्लव समूह यसका कटु आलोचक हो ।