काठमाडौं उपत्यकामा अहिलेसम्मकै कम तापक्रम ६.२ डिग्री मापन गरिएको छ । बिहान ५:४५ बजे काठमाडौं उपत्यकाको न्यूनतम तापक्रम ६.२ डिग्री सेल्सियस मापन गरिएको हो ।
काठमाडौं उपत्यकामा आजको न्यूनतम तापक्रम ६.२ डिग्री सेल्सियस भएसंगै यस वर्षकै सबैभन्दा कम तापक्रम र चिसो भएको जल तथा मौसम विज्ञान विभागको मौसम पूर्वानुमान महाशाखाले जनाएको छ । यसअघि काठमाडौं न्यूनतम तापक्रम ७.४ डिग्री सेल्सियससम्म पुगेको थियो ।
महाशाखाका अनुसार पूर्वी तराईका जिल्लाहरुमा आज बिहानैदेखि बाक्लो हुस्सु लागेको छ । बिहानको हुस्सु बिस्तारै हट्दै जाने र दिउँसो घाम लाग्ने छ ।
अहिले नेपालमा पश्चिमी वायुको आंशिक प्रभाव भएता पनि नयाँ प्रणाली आउने र देशभर प्रभाव पर्ने तत्काल कुनै सम्भावना नरहेको वरिष्ठ मौसमविद शान्ति कँडेलले जानकारी दिएकी छन् ।
