वैदेशिक रोजगार विभाग ताहाचलका लेखापाल प्रमोद निरौलालाई घूससहित पक्राउ गरि मुद्दा दायर गरिएको छ । हिजो विशेष अदालत काठमाडौंमा भ्रष्टाचारको कसुरमा कारबाहीको मागदाबी गर्दै निरौलाविरुद्ध मुद्दा दायर गरेको हो ।
ताहाचलस्थित वैदेशिक रोजगार विभागमा घूससहित पक्राउ गरिएका लेखापाल निरौलाविरुद्ध अख्तियार दुरुपयोग अनुसन्धान आयोगले मुद्दा दायर गरेको हो । अख्तियारको टोलीले गत फागुन २९ गते निरौलालाई सेवाग्राहीबाट १५ हजार रुपैयाँ घूस लिएको अवस्थामा नियन्त्रणमा लिएको थियो ।
अख्तियारले नियन्त्रणमा लिएसंगै उनको कार्यकक्षबाट स्रोत नखुलेको ७१ हजार ६ सय २० रुपैयाँ पनि बरामद गरिएको थियो । धरौटी रकम फिर्ता गर्ने क्रममा सेवाग्राहीसँग घूस/रिसवत माग गरिरहेको भन्ने सूचनाका आधारमा अख्तियारको टंगालबाट खटिएको टोलीले लेखापाल निरौलालाई गत फागुन २९ गते नियन्त्रणमा लिएको थियो ।
