प्रधानमन्त्री सहित मन्त्रीहरूको सम्पत्ति विवरण सार्वजनिक गर्दा उपप्रधान तथा भौतिक पूर्वाधार तथा यातायात मन्त्री रघुवीर महासेठ सबैभन्दा धनि देखिएका छन् । प्रधानमन्त्री पुष्पकमल दाहाल प्रचण्डसहित २३ मन्त्रीहरूको सम्पत्ति विवरण सार्वजनिक महासेठ सबैभन्दा धनि देखिएका हुन् ।

प्रधानमन्त्री तथा मन्त्रीपरिषद् कार्यालयमा सार्वजनिक भएको सम्पत्ति विवरण अनुसार २३ मन्त्रीमध्ये सबैभन्दा धनी मन्त्री रघुवीर महासेठ सबैभन्दा गरिब उपप्रधान तथा परराष्ट्रमन्त्री नारायकाजी श्रेष्ठले देखिएको बताईएको छ । उपप्रधानमन्त्री महासेठ नेकपा एमालेका सचिव समेत हुन् ।

मन्त्री महासेठको नाममा जनकपुरमा १ विगाह १५ कट्ठा जग्गा र बैंकमा २ करोड २५ लाख रुपैया पैसा रहेको उल्लेख गरिएको छ । उनले उक्त सम्पति पैतृक सम्पत्ति बेचेर आर्जन गरेको विवरणमा उल्लेख गरेका छन् । त्यस्तै मन्त्री महासेठसँग ४३ तोला सुन र १.५ केजी चाँदी रहेको खुलाईएको छ ।

यता मन्त्री महासेठको श्रीमती जुलिकुमारी महतोको नाममा फाइनान्स, लघुवित्त, बैंक गरी २ करोड ५० लाख नगद र ५ लाख सेयर रहेको उल्लेख छ । महतोको नाममा जनकपुर उपमहानगरपालिकामा ३ कट्ठा, ललितपुरमा २ रोपनी १३ आना २ पैसा १ दाम, धनुषामा ७ विगाह ३ कट्ठा, सिन्धुलीमा ४ कट्ठा, ललितपुरमा १ रोपनी ७ आना, धनुषमा ३ कट्ठा ११ धुर रहेको विवरणमा उल्लेख छ । साथै,विभिन्न कम्पनीको ३ करोड ५५ लाखको सेयर रहको छ ।