इजरायली हवाई आक्रमणमा परी उत्तरी लेबनानमा २१ जनाको मृत्यु भएकाे छ । लेबनानको स्वास्थ्य मन्त्रालयले जनाए अनुसार उक्त आक्रमणमा परी २१ जनाको मृत्यु ८ जना घाइते भएका छन् ।
मन्त्रालयका अनुसार उत्तरी लेबनानको अयोटोमा रहेको एक आवासीय भवनमा इजरायली हवाई हमला भएको बताइए पनि इजरायली सेनाले आक्रमणबारे केही बताएको छैन । उक्त क्षेत्रमा अधिकांश क्रिस्चियनहरू बसोबास गर्ने गरेकाे बताइएकाे छ ।
पछिल्लो एक महिनादेखि जारी इजरायली हमलामा १ हजार ७ सय जनाको मृत्यु भएको पनि लेबनानको स्वास्थ्य मन्त्रालयले जनाएको छ । यता नेपालले लेबनानमा शान्ति सैनिकमाथि भएको आक्रमणको निन्दा गरेको छ । परराष्ट्र मन्त्रालयले आक्रमणको निन्दा गर्दै घटनाको जाँच गर्न र सुरक्षाको प्रत्याभूति दिलाउन आग्रह समेत गरेको छ ।
