आज बालुवाटारमा राष्ट्रिय स्वतन्त्र पार्टी (रास्वपा)ले विरोध प्रदर्शन गर्ने भएको छ । पार्टी सभापति रवि लामिछाने पक्राउ परेपछि आन्दोलनर गर्दै आएको रास्वपाले आज बालुवाटारमा विरोध प्रदर्शन गर्ने भएको हो ।
उक्त विरोध प्रदर्शन कार्यक्रमलाई रचनात्मक बनाउन भन्दै रास्वपाले नारा, गीत, कविता, ब्यंग्य, मन्तव्य प्रस्तुत गर्ने जनाएको छ । विरोध प्रदर्शन कार्यक्रमलाई उपसभापति डा.स्वर्णिम वाग्ले, पूर्वमन्त्री सुमना श्रेष्ठ, संसदीय दलका प्रमुख सचेतक सन्तोष परियार र सांसद सोविता गौतमले सम्बोधन गर्ने बताईएको छ ।
आज दिउसो १२ बजेदेखि हुने प्रदर्शनको कार्यक्रमको समापन उपसभापति डीपी अर्यालले गर्ने तयारी रहेको छ । पक्राउ परेका सभापति लामिछाने कास्की प्रहरीको हिरासतमा छन् भने रास्वापले सरकारले राजनीतिक प्रतिशोधले पक्राउ गरेको आरोप लगाउँदै आएको छ ।
