मंसिर १५ गतेदेखी सञ्चालन हुन लागेकाे नेपाल प्रिमियर लिग (एनपिएल) का खेल हेर्नका लागि खल्ती एप मार्फत टिकट खरिद गर्न सकिने भएकाे छ । नेपाल क्रिकेट संघ क्यानले सोमबार एनपिएल) का खेल हेर्न इच्छुक दर्शकका लागि टिकटदर सार्वजनिक गर्दै उक्त जानकारी गराएकाे हाे ।

नेपाल क्रिकेट संघ क्यानले हिँजाे सोमबार (एनपिएल) का खेल हेर्न इच्छुक दर्शकका लागि टिकटदर सार्वजनिक गरेको हो । सार्वजनिक तालिकाअनुसार उद्धघाटन दिनको खेलमा सामान्यका लागि ३ सय र भिआइपीका लागि ७ सय तोकिएको छ ।

त्यसैगरि लिग खेलका लागि सामान्यतर्फ ३ सय र भिआइपीका लागि ५ सय रुपैयाँ टिकटदर तोकिएको छ । प्लेअफका खेल हुने दिन सामान्यतर्फ ५ सय,भिआइपी तर्फका लागि ५ सय र फाइनलका लागि सामान्यतर्फ ५ सय र भिआइपीतर्फ एक हजार टिकट दर तोकिएको क्यानले जनाएकाे छ ।

त्यस्तै सिजनल पासका लागि सामान्यतर्फ ४ हजार ४ सय ८० र भिआइपीतर्फका लागि ८ हजार २ सय ४० रुपैयाँ तोकिएको छ । साेमबार राति ८ बजेदेखि बुकिङ खुला गरिएकाे टिकट खल्ती एप मार्फत खरिद गर्न सकिने पनि क्यानले जनाएको छ ।