पुष ८ गतेदेखि फूलचोकी जंगलबाट हराएका १३ जना प्रहरीको सम्पर्कमा आएका छन् । ललितपुरको गोदावरी नगरपालिकामा पर्ने फूलचोकी घुम्न गएका १३ जना जंगलबाट हराएका थिए ।
सोमबार फूलचोकीमा घुम्न गएका १३ जना व्यक्ति हराएको सूचना पाए पछि प्रहरीले खोजी कार्य सुरू गरेकाे थियो । जंगलबाट हराएका १३ जनानै प्रहरीको सम्पर्कमा आएकाे ललितपुरका एसएसपी शेखर खनालले जानकारी गराएका छन् ।
एसएसपी खनालका अनुसार जंगलमा हराएका १३ जना प्रहरीको सम्पर्कमा आइसकेकाे र प्रहरीसहितको टोलीले उनीहरूलाई ल्याउँदै गरेकाे बताइएकाे छ ।
हरेक वर्ष हिँउदेयाममा फूलचोकी डाँडामा घुम्न जानेहरूको भिड लाग्ने गरेकाे छ । २७६१ मिटर अग्लो रहेको यो डाँडा काठमाडौं उपत्यका घेर्ने सबैभन्दा अग्लो डाँडा समेत हो ।
