प्रधानमन्त्री केपी शर्मा ओली र नेपाल भ्रमणमा आएका श्रीलङ्काका पूर्व राष्ट्रपति रनिल विक्रमासिङ्घेबीच आज भेटवार्ता भएको छ । निजी भ्रमणमा नेपाल आएका श्रीलङ्काका पूर्व राष्ट्रपति र प्रधानमन्त्री ओलीबीच प्रधानमन्त्री निवास, बालुवाटारमा भेटवार्ता भएको हो ।
प्रधानमन्त्री र पूर्व राष्ट्रपति विक्रमासिङ्घेबीचको भेटमा दुई देशबीचको आपसी सम्बन्ध र परस्पर हितका विविध पक्षमा कुराकानी भएको बताइएको छ । श्रीलङ्काका पूर्व प्रधानमन्त्रीसमेत रहेका पूर्व राष्ट्रपति विक्रमासिङ्घे प्रधानमन्त्री ओलीका एक पुराना मित्र समेत हुन् ।
विक्रमासिङ्घेले नेपाल भ्रमणका क्रममा लुम्बिनी र कपिलवस्तुमा पूजा, अवलोकन र भेटवार्ता समेत गरेका थिए । पुस १३ गते बिहान निजी भ्रमणका लागि काठमाडौँमा आईपुगेका विक्रमासिङ्घे आज भ्रमण सम्पन्न गरी स्वदेश फर्कने छन् ।
