सहकारी ठगी प्रकरणमा फरार रहेकी अन्जला कोइराला अदालतमा हाजिर भएकी छन् । आज बिहान मोरङ जिल्ला अदालतमा कोइराला हाजिर भएकि हुन् ।
प्रतिनिधि सभाको सार्वजनिक लेखा समिति सभापति ऋषिकेश पोखरेलकी पत्नी अन्जला कोइराला सहकारी ठगी प्रकरणमा फरार भएकी थिइन् । आज अदालतमा हाजिर भएकी कोइरालाको थुनछेक बहस सुरू हुने तयारी रहेको बताइएको छ ।
यसअघि मोरङ धनपालथान–४ मा रहेको उमागौरी कृषि सहकारीको रकम अपचलनमा नाम जोडिएकी अन्जला अदालतले पुस २ मा पक्राउ पुर्जी जारी गरेपछि फरार रहेकी थिइन् । उनिसंगै सहकारीका अध्यक्ष शम्भु रौनियार, रंगेली २ का वडाध्यक्ष सन्तलाल खवाससहित २६ जनाविरूद्ध अदालतले पक्राउ पुर्जी जारी गरेको थियो ।
पक्राउ पुर्जी जारी भएका मध्ये वडाध्यक्ष खवास ५ लाख धरौटीमा रिहा भइसकेका छन् भने सोही प्रकरणमा नाम जोडिएकी कोइराला आज बिहान अदालत हाजिर भएकी हुन् ।
