चितवनमा गैँडाको आक्रमण परि एकजनाकाे मृत्यु भएको छ । गैँडाको आक्रमणबाट भरतपुर महानगरपालिका-५ विकासचोकका ५५ वर्षीय शिवराज भण्डारीको मृत्यु भएको हो ।
गैँडाको आक्रमणमा परी ६ दिनअघि घाइते भएका भण्डारीको उपचारका क्रममा बुधबार बिहान मृत्यु भएको जिल्ला प्रहरी कार्यालयका प्रमुख प्रहरी उपरीक्षक गौतम मिश्रले जानकारी दिएका छन् ।
मृतक भण्डारीलाई यही माघ ३ गते माडी नगरपालिका–१ ध्रुवचोकमा गैँडाले आक्रमण गरेको थियो । गैँडाकाे आक्रमणमा घाइते भएका उनलाई अस्पताल पुर्याएर उपचार गराएकाेमा आज बिहान मृत्यु भएकाे हाे ।
