कैलालीमा गएराति बाघकाे आक्रमणबाट एक महिला घाइते भएकी छन् । कैलालीकाे मोहन्याल गाउँपालिका–७ कुईनेमा छाउगोठमा सुतिरहेकी ४५ वर्षीया सरस्वती विकलाई बाघले आक्रमण गरि घाइते बनाएकाे हाे ।
छाउगोठमा सुतिरेहकी उनलाई बाघले आक्रमण गर्दा टाउको र अनुहारमा चोट लागेको स्थानीयले बताएका छन् । छाउगोठमा सुतेको बेला बाघले आक्रमण गरेपछि वरपरका मानिसहरूले होहल्ला गर्दा बाघ भागेको थियो ।
बाघकाे आक्रमणबाट घाइते उनलाई अहिले उपचारको लागि लम्किस्थित लालरत्न अस्पताल लगिएको छ । छाउप्रथा सुदुरपश्चिमा अहिले पनि कायम रहेकाे र महिनावारी भएको बेला महिलाहरू छाउगोठमा बस्नु पर्ने बाध्यताले महिला असुरक्षित हुने गरेका छन् ।
