हिँजाे साँझ मोटरसाइकलको ठक्करबाट मकवानपुरमा एक जना पैदलयात्रीको मृत्यु भएको छ । मोटरसाइकलको ठक्करबाट गम्भीर घाइते भएका हेटौंडा–६ का ६१ वर्षीय कमल बहादुर बोहोराको चितवनको नयाँ मेडिकल कलेजमा उपचारकाे क्रममा मृत्यु भएकाे हाे ।  

मकवानपुर प्रहरीका अनुसार हेटौंडा उपमहानगर पालिका सल्लाघरीमा ना ५४ प १८७६ नम्बरको मोटरसाइकलले पैदल यात्री बोहोरालाई ठक्कर दिएको थियो ।

 उनलाई उपचारका लागि चितवनको नयाँ मेडिकल कलेज पठाइएकोमा राित १ : ४५ बजे मृत्यु भएको प्रहरीले जनाएको छ । ठक्कर दिने हेटौंडा–६ का मोटरसाइकल चालक बिदुर सापकोटा फरार रहेको र खोजी भइरहेकाे प्रहरीले जनाएकाे छ ।