गत आइतबार हृदयघात भएर अस्पताल भर्ना भएका पूर्वयुवराज पारस शाह अस्पतालबाट डिस्चार्ज भएका छन् । हृदयघात भएपछि थापाथलीस्थित नर्भिक अस्पताल भर्ना भएका पूर्वयुवराज पारस आज अस्पतालबाट डिस्चार्ज भएका हुन् ।
थापाथलीस्थित नर्भिक अस्पतालका अनुसार पूर्वयुवराज पारसको स्वास्थ्य अवस्थामा सुधार आएपछि डिस्चार्ज गरिएको हो । पूर्वयुवराज पारसलाई एक सातापछि फलोअपमा बोलाइएको उनको उपचारमा संलग्न चिकित्सकले जनाएका छन् ।
अस्पतालका चिकित्सकका अनुसार पूर्वयुवराज पारसलाई योसहित चाथौ पटक हृदयघात भएको हो । यो पटक हृदयघात हुँदा पूर्वयुवराजलाई आइतबार बेलुका नै एन्जियो प्लास्टिक गरिएको थियो ।
