भारतीय नम्बर प्लेट भएको गाडी मकवानपुरमा दुर्घटना हुँदा चार जना घाइते भएका छन् । भारतीय नम्बर प्लेट युपी ७० एनटी ६९१७ नम्बरको गाडी मकवानपुरको इन्द्रसरोवर गाउँपालिका-३ धाराखोल्छास्थित दक्षिणकाली सडक खण्डमा दुर्घटना भएकाे हाे ।
काठमाडौंबाट हेटौंडा जाँदै गरेको उक्त भारतीय नम्बर प्लेटको गाडी र ब्रेक फैल भएर दुर्घटना भएको जिल्ला प्रहरी कार्यालय मकवानपुरका प्रवक्ता डिएसपी श्यामु अर्यालले जानकारी दिएका छन् ।
अाज बिहान दुर्घटना भएको उक्त गाडिमा १७ जना सवार रहेका मध्ये ४ जना घाइते भएकाे बताइएकाे छ । ब्रेक फेल भएर बायाँ साइडमा ठोक्किएर दुर्घटना भएकाे गाडीमा उत्तरप्रदेशको रायबरेलीका ५५ वर्षीय राजकरण तिवारी, ३८ को जितेन्द्र प्रताप सिंह, ४४ को अजय मिश्र र ३८ वर्षीय अभयप्रताप सिंह घाइते भएकाे प्रहरीले जनाएकाे छ ।
घाइतेहरूलाई उपचारका लागि हेटौडा पठाइएको समेत प्रवक्ता डिएसपी अर्यालले जानकारी दिएका छन् ।
