नेपालले १९ वर्ष मुनिको आईसीसी विश्वकप एशिया छनोटमा आज हङकङसँग खेल्दै छ । यसअघि आईसीसी विश्वकप एशिया छनोटमा लगातार दोस्रो जित हासिल गरेको नेपालले आज तेस्रो खेल हङकङसँग खेल्न लागेकाे हाे ।
आईसीसी विश्वकप एशिया छनोटका लागि काठमाडाैँकाे तल्लो मुलपानी क्रिकेट मैदानमा बिहान साढे ९ बजेबाट खेल सुरु हुँदैछ । यसअघि नेपालले पहिला यूएई र दोस्रो खेलमा ओमानलाई पराजित गरेकाे थियो ।
दुई खेल जितेको नेपाल ४ अंकसहित दोस्रो स्थानमा भने पहिला ओमान तथा दोस्रो खेलमा हङकङमाथि फराकिलो जित निकालेको अफगानिस्तान नेट रनरेटका आधारमा पहिलाे स्थानमा रहेको छ ।
त्यसैगरि नेपाल आज पनि हङकङलाई पराजित गर्ने लक्ष्यका साथ मैदान उत्रँदैछ भने अफगानिस्तानले आजै यूएईसँग माथिल्लो मुलपानी क्रिकेट मैदानमा प्रतिस्पर्धा गर्दै छ ।
