अहिले मुलुकभर पश्चिमी वायु, स्थानीय प्रणालीसँगै बङ्गालको खाडीबाट भित्रिएको जलवाष्पयुक्त हावाको प्रभावकाे कारण काठमाडाैँ लगायत देशको पहाडी भूभागमा आंशिकदेखि सामान्य बदलीसँगै वर्षा भइरहेकाे छ । पहाडी भूभागमा आंशिकदेखि सामान्य बदलीको स्थिति रहेकाे भएपनि अन्य क्षेत्रकाे पहाडी भूभागमा आंशिकदेखि सामान्य बदलीको स्थिति मौसम पूर्वानुमान महाशाखाले जनाएकाे छ ।
महाशाखाका अनुसार अहिले कोशी, बागमती, गण्डकी र कर्णाली प्रदेशका पहाडी क्षेत्रका एक–दुई स्थानमा अहिले चट्याङ्गसहित हल्का वर्षा भइरहेको बताइएकाे छ । आज दिउँसो देशभर आंशिकदेखि सामान्य बदली रहनेछ भने विशेषगरी पहाडी भेगका थोरै स्थानहरूमा र अन्य क्षेत्रका एक–दुई ठाउँमा चट्याङ्गसहित हल्कादेखि मध्यम वर्षाको सम्भावना रहेको छ ।
त्यसैगरि हिमाली क्षेत्रमा हिमपातकाे पनि सम्भावना रहेकाे अनुमान गरिनुका साथै लुम्बिनी र सुदूरपश्चिमका तराई भूभागमा हावाहुरीको सम्भावना पनि उच्च रहेको महाशाखाले जनाएकाे छ । आज राती पहाडी क्षेत्रका केही स्थानहरूमा चट्याङ्गसहित हल्का वर्षा हुनसक्ने छ भने कोशी, बागमती र गण्डकी प्रदेशका हिमाली क्षेत्रका एक–दुई स्थानमा हल्का वर्षासँगै हिमपातको सम्भावना रहेको बताइएकाे छ ।
त्यस्तै महाशाखाले मौसमी प्रणालीका कारण दैनिक जनजीवन, कृषि, स्वास्थ्य, सडक तथा हवाई यातायातमा असर पर्न सक्ने सम्भावना रहेकोले सतर्कता अपनाउन सर्वसाधारणलाई आग्रह समेत गरेको छ ।
