आफ्नै संरक्षणमा रहेकी नाबालिकामाथि जबरजस्ती करणी गरेको अभियोगमा पक्राउ परेका पूर्वमेयर ध्रुवकुमार शिवाकोटीलाई उच्च अदालत विराटनगरले धरौटीमा छाड्न आदेश दिएको छ । अदालतले झापाको बिर्तामोड नगरपालिकाका पूर्वमेयर शिवाकोटीलाई २० लाख रूपैयाँ धरौटीमा छाड्न आदेश दिएको हो ।

पूर्वमेयर शिवाकोटीलाई उच्च अदालत विराटनगर, इलामका न्यायाधीशद्वय किरणकुमार पोखरेल र रेखा थापा पाण्डेको इजलासले २० लाख धरौटीमा छाड्न आदेश दिएको हो । नेकपा एमालेका नेतासमेत रहेका पूर्वमेयर शिवाकोटीलाई यसअघि २०८१ पुस २२ गते झापा जिल्ला अदालतले निर्दोष हुन् भन्न सकिने स्थिति नभएको भन्दै पुर्पक्षका लागि थुनामा पठाएको थियो ।

यता अदालतले थुनामा पठाएपनि स्वास्थ्य अवस्थाको कारण देखाउँदै पूर्वमेयर शिवाकोटी बिर्तामोडस्थित बिएण्डसी अस्पतालमा ५ महिनादेखि उपचार गराउदै आएका थिए ।