आकर्षक तलबमा वैदेशिक रोजगारीमा ग्रिस पठाइदिन्छु भन्दै रकम ठगी गर्ने एकजना पक्राउ परेका छन् । काठमाडौँको कागेश्वरी मनोहरा नगरपालिका-७ बस्ने ७६ वर्षीय नरबिर राई पक्राउ परेका हुन् ।
राईले वैदेशिक रोजगारीमा ग्रिस पठाइदिन्छु भन्दै १ जना पीडितबाट ८ लाख रुपैयाँ लिई सम्पर्कविहीन भएपछि पीडितले दिएको उजुरीको आधारमा काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले पक्राउ गरेको हो ।
प्रहरीले राईलाई आइतबार पक्राउ गरेर आवश्यक अनुसन्धान तथा कारवाहीको लागि वैदेशिक रोजगार विभाग ताहाचल पठाइएको जनाएको छ ।
