आज कोशी,बागमती,गण्डकी र कर्णाली प्रदेशका केहि स्थानमा भारी वर्षाकाे सम्भावना रहेकाे छ । त्यसैगरि देशभर आंशिकदेखि साधारणतया बदली रहने पनि मौसम पूर्वानुमान महाशाखाले जनाएको छ ।
महाशाखाका अनुसार आज दिउँसो कोशी, बागमती, गण्डकी र कर्णाली प्रदेशसहितका केही पहाडी भेगमा मेघगर्जन र चट्याङसहित हल्कादेखि मध्यम वर्षाको सम्भावना रहेकाे छ । त्यस्तै लुम्बिनी र सुदूर पश्चिम प्रदेशका तराईका थोरै ठाउँहरुमा हावाहुरीको पनि सम्भावना रहेको छ ।
आज राति पनि केही ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ भने देशभर आंशिकदेखि साधारणतया बदली रहने बताइएकाे छ ।
