वैदेशिक राेजगारीका लागि दक्षिण कोरिया जाने नेपाली कामदारकाे लागि ईपीएस भाषा परीक्षा साउन २६ गतेबाट खुल्ने भएको छ । दक्षिण कोरियाको मानव संसाधन विकास सेवाले वेबसाइटमार्फत उक्त जानकारी दिएको हो ।

मानव संसाधन विकास सेवाका अनुसार साउन २६ गतेदेखि साउन ३१ गतेसम्म आवेदन दिन सकिने बताइएकाे छ । दक्षिण कोरियाको रोजगार अनुमति प्रणाली (ईपीएस) मार्फत कामदार लैजान कोरियाली सरकारले नेपाल सरकारसँग सन् २००७ मा एमओयू गरेको थियो ।

कोरियाली सरकारसँग गरेकाे समझदारी अनुसार सन् २००८ बाट दक्षिण कोरियाले नेपाली कामदार लैजान सुरू गरेकाे र हाल उक्त क्रम जारी रहेकाे छ ।