कैलालीमा कारागार भित्र कैदीबन्दीबिच कुटाकुट हुँदा एक जनाको मृत्यु हुनुका साथै ४८ जना घाइते भएका छन् । उक्त घटनामा घाइते भएकाहरुको सेती प्रादेशिक अस्पतालमा उपचार भइरहको बताइएकाे छ ।
कुटाकुट घटनामा मृत्यु भएकाकाे पहिचान खुलाइएको छैन भने सम्बन्धित परिवार र स्थानीय तहसँग समन्वयको प्रयास भइरहेकाे पनि सम्पर्क नभएको कारागार प्रशासनले जनाएको छ । घाइतेमध्ये पाँच जना डिस्चार्ज भएपनि अन्यकाे उपचार भइरहेकाे बताइएकाे छ ।
कारागारमा रहेकाे तीनवटा ब्लक मध्य ए र बी ब्लकका कैदीबन्दीबीच झडप भएको थियाे भने एउटा महिला कैदीबन्दी ब्लक सामान्य रहेकाे छ । टीकापुरको कर्तव्य ज्यान सम्बिन्ध एकै मुद्दाका १८ कैदीलाई अन्यत्रै स्थान्तरणको तयारी भएको बेला उनीहरु एकआपमै कुटाकुटमा उत्रिएकाे कारागार प्रशासक रामकुमार चौधरीले जनाएका छन् ।
कैदी स्थान्तरण गर्दा उनीहरुभित्रै नाईके र भाइनाईके को बन्ने भन्ने विषयामा विवाद भएर झडप भएकाे थियाे भने घटनाबारे थप छानविन भइरहेको बताइएकाे छ । यसअघि पनि उक्त कारगारमा कैदी स्थान्तरणको विषयलाई लिएर विवाद हुँदा पाँच जना घाइते भएका थिए ।
