त्रिशूली नदीमा पौडी खेल्न गएका दुइ बालक मध्य एक बेपत्ता भएका छन् भने एकको सकुशल उद्धार गरिएको छ । देवघाट गाउँपालिका–५ बुद्धचोकस्थित त्रिशूली नदीमा पौडी खेल्ने क्रममा एक बालक बेपत्ता भएका हुन् ।
जिल्ला प्रहरी कार्यालय चितवनका अनुसार भरतपुर महानगरपालिका–१६, मङ्गलपुरका १७ वर्षीय कृष्ण लामिछानेलाई सोमबार साँझ नदीले बगाएको बताइएकाे छ भने भरतपुर –१५ फूलबारीका १३ वर्षीय कुशल ढकालको सकुशल उद्धार गरिएको छ ।
इलाका प्रहरी कार्यालय देवघाट, प्रहरी चौकी जुगेडी र १७ नम्बर गण आँपटारी चितवनबाट गोताखोरसहितको सशस्त्र प्रहरी टोलीले वेपत्ता बालकको खोजी गरिरहेको जिल्ला प्रहरी कार्यालय चितवनका प्रहरी नायब उपरीक्षक अशोक थापाले जनाएका छन् ।
