आज देशभरकाे माैसम साधारणदेखि आंशिक बदली हुनुका साथै कोशी र बागमती प्रदेशमा भारी वर्षाकाे सम्भावना रहेकाे छ । मनसुनको न्यून चापीय रेखा सरदर भन्दा दक्षिणतिर अवस्थित रहेकाले माैसममा परिवर्तन आएकाे हाे ।
जल तथा मौसम विभागका अनुसार देशको पहाडी भू-भागमा साधारणतया बदली र बाँकी भू-भागमा आंशिक बदली रहने जनाइएको छ । त्यस्तै देशका पहाडी भू-भागका केही स्थानहरूमा र तराई भू-भागका थोरै स्थानहरूमा मध्यम वर्षाको सम्भावना रहेको छ ।
आज राती कोशी, मधेश र बागमती प्रदेशको पहाडी भू-भागमा साधारणतया बदली र बाँकी भू-भागमा आंशिक बदली रहने विभागले जनाएकाे छ ।
कोशी, मधेश र बागमती प्रदेशको पहाडी भू-भागका केही स्थान तथा बाँकी पहाड र तराई भू-भागका थोरै स्थानहरूमा मध्यम वर्षाको सम्भावना रहेको छ । त्यस्तै कोशी प्रदेशका पहाडी र तराइ भू-भागका एक-दुई स्थानमा भारी वर्षाको पनि सम्भावना रहेको बताइएकाे छ ।
