दैनिक रुपमा उकालो लागेको सुनको मूल्य प्रति तोला २ लाख २३ हजार पुगेको छ । नेपाली बजारमा सुनको मूल्यले दिनकै नयाँ कीर्तिमान कायम गर्दै सुनको भाउ हालसम्मकै उच्च बिन्दुमा पुगेको हो ।
नेपाली बजारमा आज बुधबार छापावाल सुनको भाउ हालसम्मकै उच्च बिन्दुमा पुगेर प्रति तोलामा २ लाख २३ हजार रुपैयाँमा कारोबार भएको छ । हिँजो मंगलबार २ लाख २१ हजार ७०० रुपैयाँमा कारोबार भएको सुनको मूल्य बुधबार थप १ हजार ३०० रुपैयाँले बढेको हो ।
यसैगरी तेजाबी सुन पनि तोलाको २ लाख २२ हजार रुपैयाँ कायम भएको छ । १० ग्राम छापावाल सुनको मूल्य १ लाख ९१ हजार १ सय ८५ रुपैयाँ पुगेको नेपाल सुनचाँदी व्यवसायी महासंघले जनाएको छ ।
त्यसैगरी चाँदीको मूल्यमा पनि तीव्र वृद्धि देखिएको छ । हिँजो मंगलबार तोलामा २ हजार ६ सय ८० रुपैयाँमा कारोबार भएको चाँदी आज बुधबार २० रुपैयाँले बढेर २ हजार ७०० रुपैयाँमा कारोबार भएको छ । चाँदीको हकमा पनि आजको मूल्य हालसम्मकै उच्च हो ।
