अहिले देशकाे पश्चिमी भागका केही स्थानमा पश्चिमी वायुको प्रभाव रहेपनि बाँकी भागमा मनसुनी एवं स्थानीय वायुको कमजोर प्रभाव रहेको जल तथा मौसम विज्ञान विभागले जनाएकाे छ । विभागले लुम्बिनी, कर्णाली र सुदूरपश्चिमका अधिकांश तथा गण्डकी प्रदेशका पश्चिमी भागका केही स्थानमा पश्चिमी वायुको प्रभाव रहेकाे बताएकाे छ ।
आज दिउँसो कोशी, कर्णाली र सुदुरपश्चिम प्रदेशलगायत देशका पहाडी भागमा साधारणतया बदली हुनुका साथै तराईमा आंशिक बदली हुनेछ भने कोशी, कर्णाली र सुदुरपश्चिम प्रदेशका केही स्थानमा मेघगर्जन र चट्याङसहित मध्यम वर्षाको सम्भावना रहेकाे बताइएकाे छ ।
राति कोशी र मधेस प्रदेशलगायत देशका पहाडी भागमा आंशिक बदली हुने र बाँकी भागमा मौसम सफा रहेता पनि कोशी, मधेस वाग्मती र गण्डकी प्रदेशका पहाडी भूभागका एकदुई स्थानमा हल्का वर्षाको सम्भावना रहेको विभागले जनाएकाे छ ।
