नेपाल आयल निगमले पेट्रोलको मूल्य घटाएकाे छ भने हाललाई डिजेल र मट्टितेलको मुल्य यथावत राखेकाे छ । निगमले गएराति १२ बजेपछि लागू हुने गरी पेट्रोलमा प्रतिलिटर दुई रूपैयाँले घटाएको हो ।

नेपाल आयल निगमका अनुसार हाललाई डिजेल र मट्टितेलको मूल्य भने यथावत राखिएको छ । नयाँ कायम मूल्यअनुसार काठमाडौँ उपत्यका, पोखरा र दीपायलमा पेट्रोल प्रतिलिटर रू १५९, सुर्खेत र दाङमा रू १५८ अन्य क्षेत्रमा रू १५६.५० कायम गरिएको छ ।

निगमका अनुसार इण्डियन आयल कर्पोरेशनबाट मूल्य बढेर आए पनि चाडपर्वलाई मध्यनगर गरी पेट्रोलियम पदार्थको मूल्यमा वृद्धि गर्दा आम उपभोक्ता वर्गमा पर्न जाने मूल्यवृद्धिको चापलाई कम गर्न र मूल्य स्थिरता कायम गरी मुलुकभर पेट्रोलियम पदार्थको सहज आपूर्ति व्यवस्था गर्न खुद्रा बिक्री मूल्यलाई यथावत कायम गरिएको बताइएकाे छ ।