जेनजी आन्दाेलनपछि बनेकाे अन्तरिम सरकारको सिफारिसमा राष्ट्रपति रामचन्द्र पौडेलले विघटन गरेकाे प्रतिनिधिसभा विरुद्धकाे मुद्दा हेर्न संवैधानिक इजलास गठन गरिएकाे छ । सर्वाेच्च अदालतका प्रधानन्यायाधीश प्रकाशमान सिंह राउतकाे नेतृत्वमा संवैधानिक इजलास गठन गरिएकाे हाे ।
प्रधानन्यायाधीश राउतकाे नेतृत्वमा गठन भएकाे इजलासमा न्यायाधीशहरू सपना प्रधान मल्ल, कुमार रेग्मी, हरिप्रसाद फुयाँल र मनोजकुमार शर्मा रहेका छन् । गत २७ भदौमा प्रतिनिधिसभा विघटन गरिएपछि त्यसविरुद्ध सर्वोच्च अदालतमा रिट परेको थियाे ।
प्रतिनिधिसभा विघटन विरुद्ध सर्वोच्च अदालतमा रिट परेपछि उक्त रिटहरूमाथि आज बुधबारबाट संवैधानिक इजलासमा सुनुवाइ हुन लागेको हो ।
