गएराति दार्चुलामा भूकम्प गएको छ । दार्चुलाको तवाघाट क्षेत्रलाई केन्द्रबिन्दु बनाएर राति १० बजेर ४० मिनेटमा ४.१ म्याग्निच्यूडको भूकम्प गएको हो ।
दार्चुलालाई केन्द्रबिन्दु बनाएर गएको उक्त भूकम्प नेपाल भारत सीमालगायतका आसपासका क्षेत्रमा महशुस गरिएको भूकम्प मापन तथा अनुसन्धान केन्द्रले जनाएको छ । गएराति गएको भूकम्पबाट क्षति भएनभएको कुनै विवरण प्राप्त भएको छैन ।
यसअघि उअत असोज २८ गते राति १ बजेर ८ मिनेटमा बझाङको दान्तोला केन्द्र बनाएर ४.९ म्याग्निच्यूडको भूकम्प गएको थियो । पश्चिम नेपालका विभिन्न जिल्लामा बेलाबेलामा भुकम्प जाने गरेकाे छ ।
