नेपालको उत्तरी नाका कोरलास्थित भन्सार कार्यालयले चालु आर्थिक वर्षको तीन महिनामा ३ अर्ब २ करोड बढी राजस्व संकलन गरेको छ । चालु आर्थिक वर्षको प्रथम तीन महिनामा उक्त भन्सार कार्यालयले ३ अर्ब २ करोड ७३ लाख ३८ हजार राजस्व संकलन गरेको हो ।
तीन महिनाको अवधिमा उक्त भन्सारबाट १ हजार ४ सय ९८ वटा विद्युतीय सवारीसाधनका साथै ६ सय ७१ वटा मालबाहक कन्टेनरबाट सामान आयात भएको छ । उक्त नाकाबाट २८ वटा मालबाहक सवारीसाधनले स्वदेशी उत्पादन चीनको स्वशासित क्षेत्र सिजाङ पुर्याएको भन्सार प्रमुख रमेश खड्काले जनाएका छन् ।
वर्षा र बाढीपहिरोका कारण तातोपानी र रसुवागढी नाका अवरुद्ध भएपछि कोरलानाकाबाट चीनसँग समान आयातनिर्यात भइरहेको छ ।
