केहि दिनदेखि सामान्य घटबढ भइरहेकाे सुनकाे मूल्य आज झण्डै ३ हजारले बढेकाे छ । नेपाली बजारमा आज सुनको मूल्य तोलामा २ हजार ९ सय रुपैयाँले बढेर २ लाख ४१ हजार ५ सय रुपैयाँ पुगेकाे हाे ।

नेपाल सुनचाँदी व्यवसायी महासंघका अनुसार आइतबार सुन तोलाकाे २ लाख ३८ हजार ६ सय रुपैयाँमा कारोबार भएको थियो ।  

त्यसैगरि आज चाँदीको मूल्य पनि बढेको छ । आज चाँदी ताेलाकाे ५० रुपैयाँले बढेर ३ हजार ६५ रुपैयाँमा कारोबार भएको महासंघले जनाएको छ । आइतबार चाँदी प्रतितोला ३ हजार १५ रुपैयाँमा काराेबार भएको थियो ।