दक्षिण–पश्चिम बङ्गालको खाडी र भारतको तमिलनाडु आसपास रहेको न्यून चापीय प्रणालीको आंशिक प्रभावका कारण मुलुककाे केहि स्थानकाे माैसम आंशिक बदली हुने भएकाे छ । जल तथा मौसम पूर्वानुमान महाशाखाका अनुसार कोशी, मधेस र वाग्मती प्रदेशका केहि स्थानमा न्यून चापीय प्रणालीको आंशिक प्रभाव रहेकाले आंशिक बदली हुने भएकाे हाे ।
जल तथा मौसम पूर्वानुमान महाशाखाका अनुसार आज दिउँसो कर्णाली र सुदूरपश्चिम प्रदेशको उच्च पहाडी र हिमाली भागमा आंशिक बदली रही बाँकी भागमा मौसम मुख्यतया सफा रहने छ ।
आज बिहान काठमाडौँ उपत्यकाको न्यूनतम तापक्रम ६ डिग्री सेल्सियस मापन गरिएको थियो । आजको अधिकतम तापक्रम १९ देखि २१ डिग्री सेल्सियसबीच रहने महाशाखाले जनाएकाे छ ।
