पूर्वप्रधानमन्त्री तथा प्रगतिशील लोकतान्त्रिक पार्टीका संरक्षक डा. बाबुराम भट्टराईलाई पितृशोक परेको छ । डा. भट्टराईका पिता भोजप्रसाद भट्टराईको ९७ वर्षको उमेरमा आज निधन भएको हो ।
स्वास्थ्यमा जटिल समस्या देखिएपछि केही दिनदेखि बाँसबारीस्थित न्युरो अस्पतालमा भर्ना भएका भट्टराईको उपचारकै क्रममा आज बिहान निधन भएकाे हाे । स्वर्गीय भट्टराईको पार्थिव शरीरलाई आजै पशुपति आर्यघाटमा अन्त्येष्टि गरिने बताइएकाे छ ।
भट्टराईको निधनप्रति विभिन्न राजनीतिक दलका नेता तथा शुभेच्छुकहरूले दुःख व्यक्त गर्दै श्रद्धाञ्जली अर्पण गरेका छन् ।
