हिजाे मनकामना दर्शन गरेर दर्शनार्थी लिएर फर्केको ईभी माइक्रो दुर्घटना हुँदा ७ जनाको मृत्यु भएको छ । गोरखाको शहीदलखन गाउँपालिका–३ कनटारमा बागमती प्रदेश ००६ ख ८४३० नम्बरको ईभी माइक्रो दुर्घटना भएकाे हाे ।
बागमती प्रदेश ००६ ख ८४३० नम्बरको माइक्रो गोरखाको शहीदलखन गाउँपालिका–३, मा सडकबाट करिब २ सय मिटर तल खसेर दुर्घटना भएको हो । प्रहरीका अनुसार उक्त माइक्राेमा भारतीय नागरिक सवार रहेका थिए ।
माइक्रोमा कम्तीमा १४ जना सवार रहेकोमा ७ जनाको मृत्यु भएको र ७ जना घाइतेलाई उपचारका लागि अस्पताल लगिएको प्रहरीले जनाएको छ । चालक हाम फालेर बाच्न सफल भएको उक्त दुर्घटनामा चालक र सहचालक मात्र नेपाली रहेकाे प्रहरीले बताएकाे छ ।
उक्त माइक्राेम सबै भारतीय नागरिक मनकामना मन्दिर दर्शनका लागि गएको र फर्कने बेला दुर्घटनामा परेको थियाे । दुर्घटना पछि स्थानीय र प्रहरीको समन्वयमा उद्धार गरिएको बताइएकाे छ ।
