भक्तपुरकाे मध्यपुर थिमी नगरपालिका बोडेमा मनाइने ‘जिब्रो छेड्ने जात्रा’ मा यसपटक बोडेका २९ वर्षीय सुजन बाग श्रेष्ठले जिब्रो छेडाउने भएका छन् । हरेक वर्ष वैशाख २ गते मनाइने उक्त जात्रामा श्रेष्ठले चौथोपटक जिब्रो छेडाउने भएका हुन् ।
हरेक नयाँ वर्षको वैशाख २ गते मध्यपुर थिमी नगरपालिका बोडेमा मनाइने प्रसिद्ध ‘जिब्रो छेड्ने जात्रा’मा ९ पटक जिब्रो छेडाएका ५१ वर्षीय बुद्धकृष्ण बाग श्रेष्ठले तीन वर्षअघि छाडेपछि उनका कान्छा छोरा सुजनले तीन वर्ष अगाडि जिब्रो छेडाउन थालेका हुन् ।
बोडेमा मनाइने प्रसिद्ध जात्रामा कृष्णचन्द्र बाग श्रेष्ठले १२ पटक जिब्रो छेडाएका थिए । त्यसपछि उनका भाइ बुद्धकृष्ण बाग श्रेष्ठ ९ पटक जिब्रो छेडाएर जात्रालाई निरन्तरता दिँदै आएकाेमा विगत तीन वर्षदेखि बुद्धकृष्णका कान्छा छोराले जिब्रो छेडाएउन थालेका हुन् । उनले यो वर्ष चौथोपटक जिब्रोे छेडाएर जात्रालाई निरन्तरता दिन लागेका हुन् ।
जात्राका कर्मी नायोसमेत रहनुभएका कृष्णचन्द्र बाग श्रेष्ठले चार सय वर्ष अगाडिदेखि यो जात्रा चल्दै आएको र अहिलेसम्म कुनै पनि परिस्थितिमा यो जात्रा नरोकिएको बताएका छन् । जिब्रो छेड्ने व्यक्तिले तीन दिनअघिदेखि व्रत बस्नुपर्ने जात्राका लागि चार दाम चढाएपछि जिब्रो छेड्ने व्यक्तिले शुद्ध हुनुपर्ने धार्मिक विश्वास रहेकाे छ ।
