महोत्तरी र पर्साबाट ५ सय ८९ किलो गाँजा पक्राउ
काठमाडौं, २२ असार । महोत्तरी, अवैध लागूऔषध गाँजा करिब ४ सय ८७ किलो १ सय ५ ग्राम सहित २ जनालाई प्रहरीले पक्राउ गरेको छ । पक्राउ पर्नेहरूमा मकवानपुर कैलाश गाउँपालिका ६ भकुण्डे बस्ने २१ वर्षीय विपस नेगी र सोही गाउँपालिका १ क्यूरेनी बस्ने २४ वर्षीय साधुराम थिङ रहेका छन् । एकडारा गाउँपालिका १ भटौलियामा ना ३ ख ६५९२ नम्बरको ट्रकबाट ४० किलो ३ सय ६० ग्राम गाँजा सहित चालक विपस र ट्रकमा सवार साधुराम शनिबार बिहान पक्राउ परेका थिए । थप अनुसन्धानको क्रममा उनीहरूले ट्रकमा रहेको थप गाँजा महोत्तरी गाउँपालिका ४ रानी रतवडामा झारेको भन्ने खुल्न आएपश्चात जिल्ला प्रहरी कार्यालय महोत्तरीबाट खटिएको प्रहरीले महोत्तरी गाउँपालिका ४ रानी रतवडा बस्ने ४२ वर्षीया लिलम देवीको घर तलासी गर्दा लुकाई छिपाई राखेको ३५ वटा प्लाष्टिकको पोकामा रहेको थप ४ सय ४६ किलो ७ सय ४५ ग्राम गाँजा फेला पारी आइतबार बिहान बरामद गरेको हो । 
पर्सा, जगरनाथपुर गाउँपालिका २ स्थित भित्री इनर्वा जाने चोकबाट अवैध लागूऔषध गाँजा जस्तो देखिने पदार्थ १ सय २ किलो ६ सय ३८ ग्राम सहित भारत बिहार बेतिया नवलपुर बस्ने ३२ वर्षीय गुडु बर्मालाई आइतबार राति प्रहरीले पक्राउ गरेको छ । इलाका प्रहरी कार्यालय जानकीटोलाबाट खटिएको प्रहरीले सोनवर्षाबाट भारततर्फ जाँदै गरेको बीआर ०१ सियू ३५४४ नम्बरको कारलाई जाँच गर्दा लुकाई छिपाई राखिएको १० वटा पोकामा रहेको उक्त परिमाणको पदार्थ फेला पारी चालक गुडुलाई पक्राउ गरेको हो । 
यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित १७ जना पक्राउ
काठमाडौं, २२ असार । काठमाडौं महानगरपालिका १४ कलंकी शान्तिमार्ग डेरा गरी बस्ने २७ वर्षीय सुरज श्रेष्ठलाई अवैध लागूऔषध ब्राउनसुगर जस्तो देखिने पदार्थ करिब १ ग्राम ९ सय मिलिग्राम र गाँजा करिब ६२ ग्राम सहित आइतबार दिउँसो प्रहरीले पक्राउ गरेको छ । प्रहरी वृत्त कालिमाटीबाट खटिएको प्रहरीले उनको कोठा तलासी गर्दा उक्त लागूऔषध फेला पारी पक्राउ गरेको हो । 
चितवन, कालिका नगरपालिका ६ स्थित भण्डारी चोक नजिकबाट नियन्त्रित लागूऔषध ट्रामाडोल ६ हजार ८० ट्याब्लेट र एनारगन ४ हजार २ सय ट्याब्लेट सहित सोही ठाउँ बस्ने २७ वर्षीय दिवस न्यौपानेले आइतबार साँझ प्रहरीले पक्राउ गरेको छ । प्रहरी चौकी जुटपानीबाट खटिएको प्रहरीले उनलाई उक्त लागूऔषध सहित पक्राउ गरेको हो । 
सिराहा, सिरहा नगरपालिका १४ माडरबाट अवैध लागूऔषध ब्राउनसुगर जस्तो देखिने पदार्थ २ ग्राम ८ सय ३० मिलिग्राम सहित कर्जन्हा नगरपालिका ४ बस्ने ३२ वर्षीय दिपेश कुमार दासलाई आइतबार दिउँसो प्रहरीले पक्राउ गरेको छ । प्रहरी चौकी खिरौनाबाट खटिएको प्रहरीले ज १२ प ४४५४ नम्बरको मोटरसाइलमा सवार उनलाई उक्त पदार्थ सहित पक्राउ गरेको हो ।  
यसैगरी सिराहा, धनगढीमाई नगरपालिका १० धनगढी बजारबाट अवैध लागूऔषध गाँजा करिब ४५ ग्राम सहित सोही नगरपालिका ११ नैनपुर बस्ने १७ वर्षीय किशोरलाई आइतबार राति प्रहरीले पक्राउ गरेको छ । इलाका प्रहरी कार्यालय धनगढीबाट खटिएको प्रहरीले उनलाई उक्त गाँजा सहित पक्राउ गरेको हो । 
झापा, बिर्तामोड नगरपालिका ३ अदुवापुलबाट अवैध लागूऔषध ब्राउनसुगर जस्तो देखिने पदार्थ ७ सय ७० मिलिग्राम सहित सोही नगरपालिका ३ बस्ने ४४ वर्षीय रंजित दासलाई आइतबार साँझ प्रहरीले पक्राउ गरेको छ । प्रहरी चौकी बिर्ताबजारबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी झापा, भद्रपुर नगरपालिका(५ मेचीपुलबाट अवैध लागूऔषध ब्राउनसुगर जस्तो देखिने पदार्थ ३ ग्राम ६ सय ४० मिलिग्राम सहित इलाम चुलाचुली गाउँपालिका २ बस्ने २३ वर्षीय रोहित कुमाललाई आइतबार साँझ प्रहरीले पक्राउ गरेको छ । वडा प्रहरी कार्यालय भद्रपुरबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो । 
यसैगरी झापा, भद्रपुर नगरपालिका ५ मेचीपुलबाट अवैध लागूऔषध ब्राउनसुगर जस्तो देखिने पदार्थ १४ ग्राम १ सय ४० मिलिग्राम सहित बिर्तामोड नगरपालिका ९ गरामनी बस्ने ४४ वर्षीय चन्द्र प्रसाद राजबंशीलाई आइतबार दिउँसो प्रहरीले पक्राउ गरेको छ । वडा प्रहरी कार्यालय भद्रपुर समेतबाट खटिएको प्रहरीले भारतबाट नेपालतर्फ आउँदै गरेको प्र १ ०१ ०१२ प ९५३६ नम्बरको स्कुटरमा सवार उनलाई उक्त पदार्थ सहित पक्राउ गरेको हो ।
दार्चुला, महाकाली नगरपालिका ४ पुलघाटबाट अवैध लागूऔषध चरेस जस्तो देखिने पदार्थ ८ ग्राम सहित सोही नगरपालिका ४ मोहती बस्ने नौगाड गाउँपालिका ४ घर भएका २० वर्षीय सुरज ठगुन्नालाई आइतबार साँझ प्रहरीले पक्राउ गरेको छ । अस्थायी प्रहरी पोष्ट पुलघाटबाट खटिएको प्रहरीले उनलाई उक्त पदार्थ सहित पक्राउ गरेको हो । 
सर्लाही, ब्रहम्पुरी गाउँपालिका २ धर्मपुरटोलबाट अवैध लागूऔषध गाँजा करिब ५० किलोग्राम सहित २ जनालाई आइतबार राति प्रहरीले पक्राउ गरेको छ । पक्राउ पर्नेहरूमा बागमती नगरपालिका ११ सखुवनी बस्ने ३५ वर्षीय थिरविक्रम रायमाझी र ३५ वर्षीय प्रदिप मगर रहेका छन् । प्रहरी चौकी ब्रहम्पुरीबाट खटिएको प्रहरीले हरिवनबाट नारिवनतर्फ जाँदै गरेको मधेश प्रदेश ०३ ००१ ह ४५१७ नम्बरको अटोलाई जाँच गर्दा उक्त गाँजा फेला पारी चालक थिरविक्रम र अटोमा सवार प्रदिपलाई पक्राउ गरेको हो । 
कैलाली, जानकी गाउँपालिका ४ मनुवा बस्ने ४१ वर्षीय रमेश कुमार रावत समेत ३ जनालाई अवैध लागूऔषध खैरो हेरोइन जस्तो देखिने पदार्थ ६ सय ३० मिलिग्राम सहित आइतबार साँझ प्रहरीले पक्राउ गरेको छ । इलाका प्रहरी कार्यालय टीकापुरबाट खटिएको प्रहरीले रमेशको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । 
सुनसरी, इटहरी उपमहानगरपालिका ४ स्थित डोजिन होटल एण्ड खाजा घरबाट नियन्त्रित लागूऔषध ट्रामाडोल ३ सय ९० ट्याब्लेट र डाइक्लोमाइन ३ सय ९० ट्याब्लेट सहित सोही उपमहानगरपालिका(६ बस्ने २२ वर्षीय बिबेक साहलाई आइतबार साँझ प्रहरीले पक्राउ गरेको छ । कोशी प्रदेश प्रहरी कार्यालय विराटनगर र इलाका प्रहरी कार्यालय इटहरीबाट खटिएको प्रहरीले उनलाई उक्त लागूऔषध सहित पक्राउ गरेको हो ।
बाँके, नेपालगंज उपमहानगरपालिका १४ उधौपूर्वाबाट अवैध लागूऔषध ब्राउनसुगर जस्तो देखिने पदार्थ ८० ग्राम ३ सय ७० मिलिग्राम सहित सोही ठाउँ बस्ने ४२ वर्षीय जसवन्त चौहान लोनिया समेत २ जनालाई आइतबार राति प्रहरीले पक्राउ गरेको छ । इलाका प्रहरी कार्यालय हिरिमनीया र लागूऔषध नियन्त्रण ब्यूरो शाखा कार्यालय नेपालगंजबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 
रूपन्देही, बुटवल उपमहानगरपालिका ८ सुख्खानगर बस्ने पाल्पा घर भएका २९ वर्षीय टेक बहादुर सुनारलाई अवैध लागूऔषध ब्राउनसुगर जस्तो देखिने पदार्थ करिब ३ ग्राम ६ सय ४० मिलिग्राम सहित आइतबार दिउँसो प्रहरीले पक्राउ गरेको छ । वडा प्रहरी कार्यालय बुटवल र लागूऔषध नियन्त्रण ब्यूरो शाखा कार्यालय भैरहवाबाट खटिएको प्रहरीले उनको कोठा तलासी गर्दा उक्त पदार्थ फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

कटुवा पेस्तोल र भरूवा बन्दुक बरामद
काठमाडौं, २२ असार । मोरङ, लेटाङ नगरपालिका ४ पुरानो बसपार्कबाट कटुवा पेस्तोल २ थान आइतबार दिउँसो प्रहरीले बरामद गरेको छ । इलाका प्रहरी कार्यालय लेटाङबाट खटिएको प्रहरीले उक्त पेस्तोलहरू फेला पारी बरामद गरेको हो । 
पाँचथर, मिक्लाजुङ गाउँपालिका ३ सल्लेरीस्थित केराबारी जाने सडक छेउबाट एकनाले भरूवा बन्दुक १ थान आइतबार दिउँसो प्रहरीले बरामद गरेको छ । इलाका प्रहरी कार्यालय रवि र अस्थायी प्रहरी पोष्ट आरूबोटेबाट खटिएको प्रहरीले उक्त बन्दुक फेला पारी बरामद गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।