गत असोज २० गते इजरायलमा प्यालेस्टिनी समूह हमासले गरेको आक्रमणमा परि बेपत्ता भएका नेपाली विद्यार्थी विपिन जोशी हमासको नियन्त्रणमा रहेको पुष्टि भएको छ ।
इजरायलमा हमासले गरेको आक्रमणपछि ४४ दिनदेखि सम्पर्कविहीन रहेका जोशीलाई हमासले गाजा क्षेत्रमा बन्धक बनाएको पुष्टि भएको हो ।
हमासको उक्त आक्रमणमा परेर दक्षिणी इजरायलको कृषि फर्ममा कार्यरत १० जना नेपाली विद्यार्थीको ज्यान गएको थियो भने चार जना घाइते भएका थिए ।
इजरायलको तेल अभिभस्थित नेपाली दूतावासले आज जारी गरेको विज्ञप्तिमा गत अक्टोबर ७ मा हमास समूहले आक्रमण गरी बन्धक बनाएर गाजातर्फ लगिएका विपिनको पछिल्लो अवस्था यकिन गर्न नसकिएको त्यहाँस्थित नेपाली दूतावासले जनाएको छ ।
विपिन गाजामा हमास समूहकै नियन्त्रणमा रहेको पुष्टि भएता पनि पछिल्लो अवस्था बारे जानकारी पाउन नसकिएको बताईएको छ भने यता विपिनको परिवारले उनको खोजी र सकुशल उद्धार गर्न सरकारसमक्ष आग्रह गरिरहेको छ ।
