सुदूरपश्चिम प्रदेशका मुख्यमन्त्री दीर्घ सोडारीले राजीनामा दिएपछि खालि भएकाे मुख्यमन्त्रीमा नेपाली काँग्रेस संसदीय दलका नेता कमलबहादुर शाह मुख्यमन्त्री बन्ने पक्का भएकाे छ । नेकपा एमालेका सर्मथनमा नेपाली काँग्रेस कमलबहादुर शाह मुख्यमन्त्री बन्ने भएका हुन् ।
आज नयाँ मुख्यमन्त्रीका लागि केन्द्रमा कांग्रेस एमालेको समीकरणमा सुदूरपश्चिम प्रदेशको मुख्यमन्त्री कांग्रेसले पाउने सहमति भएअनुसार कांग्रेसले मुख्यमन्त्रीमा दाबी पेस गर्ने तयारी रहेकाे छ । यसअघि प्रदेश प्रमुख नजिर मियाँले नयाँ सरकार गठनको लागि आइतबार साँझ ५ बजेसम्मको लागि समय दिएका थिए ।
कांग्रेसकाे मुख्यमन्त्रीमा दाबीमा एमालेले पनि समर्थन गर्ने बताइएकाे छ । सुदूरपश्चिम प्रदेशमा ५३ जना प्रदेश सभा सदस्य रहेकाेमा मुख्यमन्त्रीलाई बहुमत पुराउन २७ सांसद आवश्यक पर्छ भने सुदूरपश्चिम प्रदेशसभामा कांग्रेसका १८ र एमालेका ११ सांसद रहेकाे छन् ।
मुख्यमन्त्रीको नेतृत्व कांग्रेसले पाउने भएदेखि नै पूर्वभौतिक पूर्वाधारमन्त्रीसमेत रहेका सभापति शेरबहादुर देउवाका भतिजो प्रकाश देउवा, बहादुर थापा र दिवानसिंह विष्टले मुख्यमन्त्रीको आकांक्षा देखाएकाे भएपनि कांग्रेस सभापति शेरबहादुर देउवाले शाहलाई नै मुख्यमन्त्री बनाउन निर्देशन दिएपछि अन्य आकांक्षी पछि हटेकाे बताइएकाे छ ।
