संविधान संशोधनका लागि बहस चलिरहेका बेलामा माओवादी आत्तिएर माओवादीको सहमति बिना गरिने संविधान संशोधन मान्य छैन भनेर घुक्र्याइरहेको बेलामा नेपाली काँग्रेसका सभापति शेरबहादुर देउवाले प्रजातन्त्र मासियो भने जनताले आन्दोलन गर्छन्, म पनि प्रजातन्त्रका लागि लड्छु भन्ने अभिव्यक्ति दिएका छन् ।
देउवाले प्रष्ट शब्दमा भनेका छन्– प्रदेश संरचना खारेज गर्दा प्रजातन्त्र नै मासिने होइन । बेलायतको जस्तो संसदीय प्रणाली चाहिने हो । तर आफूलाई वीपी कोइरालाको सच्चा अनुयायी ठान्ने देउवाले वीपीको बाटोमा हिड्ने बताएनन् ।
दुई ठूला पार्टीको सत्ता समीकरणलाई विश्लेषकहरूले अप्रत्यासित होइन भन्ने निष्कर्ष निकालेका छन् । २०५२ मा महाकाली सन्धि पास गर्दा, भारतीयलाई नागरिकता दिने विषय, जलस्रोतमा भारतको एकाधिकार मान्ने र दिल्लीको १२ बुँदे सहमति गर्ने मुख्य पात्र यिनै हुन् । यिनीहरू राष्ट्रघातमा सहमति गर्ने साझेदार हुन् । यसकारण संविधान नमान्ने भारतलाई खुशी पार्न संविधान संशोधन हुनसक्छ भन्नेहरू धेरै निस्केका छन् ।