माया को पहिचान नेपाल
हिजो मिति २०८१र१२र१५, काठमाडौं तिनकुने क्षेत्रमा भएको हिंसात्मक घटना, आगजनी, सार्वजनिक तथा निजी सम्पत्तिको तोडफोड, लुटपाट, पत्रकार तथा सर्वसाधारणमाथिको आक्रमण गम्भीर अपराध हो। पत्रकार सुरेश रजक र सर्वसाधारण नागरिक सविन महर्जनको बर्बर हत्या लोकतन्त्र र कानुनी शासनमाथि अक्षम्य प्रहार हो।
यस घटनामा मात्र अपराधी समूहहरू जिम्मेवार छैनन्, राज्य र सुरक्षाकर्मीको लापरवाहीले पनि यस्तो स्थिति सिर्जना गरेको छ। प्रहरी प्रशासनले संयम गुमाउँदै प्रदर्शनकारीमाथि अनावश्यक अश्रु ग्यास प्रहार गरेको, र घाँटीमा गोली हानेर नागरिक सविन महर्जनको हत्या पूर्णतः अमानवीय र अस्वीकार्य छ।
मायाको पहिचान नेपाल यस घटनाको गहिरो छानबिन गर्न, अपराधीहरू सबैलाई कानूनको कठघरामा ल्याउन, पीडितलाई न्याय दिलाउन, र दण्डहीनताको अन्त्य गर्न सरकारसँग कडा माग गर्दछ।
माया को पहिचान नेपाल सबै नागरिकलाई संयम अपनाउन, लोकतान्त्रिक मूल्यहरूको रक्षा गर्न, र कानुनी शासन बलियो बनाउन अपिल गर्दछ।
माया को पहिचान नेपाल
