प्रधानमन्त्री सुशीला कार्कीले आगामी फागुन २१ गते हुने प्रतिनिधिसभा निर्वाचनलाई लक्षित गरि मतदाता नामावलीमा नाम दर्ता गर्न आह्वान गरेकी छन् । प्रधानमन्त्री कार्कीले मतदाता नामावलीमा नाम दर्ता गर्ने समय ९ दिन मात्रै बाँकी रहेको भन्दै नामावलीमा नाम दर्ता गर्न आह्वान गरेकी हुन् ।
यसअघि निर्वाचन आयोगले कातिक ३० गते भित्र नाम दर्ता गर्न समय तोकेको उक्त म्याद सकिन अब ९ दिन मात्र बाँकी रहेको छ । उनले सामाजिक संजाल एक्स अकान्टमा लेखेकी छन्, ‘तपाईंको मत नै तपाईंको आवाज हो । मतदाता परिचयपत्र दर्ता गर्न अब मात्र ९ दिन बाँकी ।’
निर्वाचन आयोगले फागुन २१ गते हुने निर्वाचनका लागि कात्तिक ३० गतेसम्म १६ वर्ष पुगेका व्यक्तिहरुलाई मतदाता नामावलीमा नाम दर्ता गराउने कार्यतालिका निर्धारण गरेको छ ।
