मधेश प्रदेशको नयाँ मुख्यमन्त्रीमा नेकपा एमाले संसदीय दलका नेता सरोज यादव नियुक्त भएका छन् । हिँजाे आइतबार बेलुका यादव मुख्यमन्त्री नियुक्त भएका हुन् ।
मुख्यमन्त्री नियुक्त भएका यादवलाई आज बिहानै बर्दिबासस्थित एक होटलमा मधेश प्रदेश प्रमुख सुमित्रा सुवेदी भण्डारीले शपथ ग्रहण गराएकी छन् । संविधानको धारा १६८ (३) बमोजिम यादव प्रदेश सभाको ठूलो दलको हैसियतमा मधेश प्रदेशको नयाँ मुख्यमन्त्री बनेका हुन् ।
मुख्यमन्त्री यादव सहित अन्य तीन मन्त्रीले पनि केहीबेरअघि प्रदेशप्रमुखबाट शपथ खाएका छन् । प्रदेशप्रमुख बिरामी भएर काठमाडौँ जान लागेकाले हतारहतार होटलमै शपथ लिएकाे मुख्यमन्त्री यादवले जनाएका छन् ।
यसअघि प्रदेश सभाबाट विश्वासको मत नपाउने भएपछि जितेन्द्र सोनलले मुख्यमन्त्री पदबाट राजीनामा दिएका थिए ।
