आगमी फागुन २१ गते हुने प्रतिनिधिसभा सदस्य निर्वाचनका लागि झण्डै चार दर्जन राजनीतिक दलले दल दर्ता गरेका छन् । निर्वाचन आयोगले दल दर्ताको लागि ताेकेकाे समय सकिनै लाग्दा अहिलेसम्म प्रतिनिधिसभा सदस्य निर्वाचनका लागि ८० वटा राजनीतिक दल दर्ता भएका हुन् ।

आयोगले दल दर्ताको लागि ताकेको समय सकिन १ दिन बाँकी हुँदा थप १६ दल दर्ता भएसँगै दलको संख्या ८० पुगेको निर्वाचन आयोगका प्रवक्ता नारायणप्रसाद भट्टराईले जनाएका छन् । हिँजाे नेकपा एमाले, राष्ट्रिय प्रजातन्त्र पार्टी, राष्ट्रिय प्रजातन्त्र पार्टी नेपाल, उज्यालो नेपाल पार्टी लगायत १६ दल दर्ता भएका थिए भने निर्वाचनमा भाग लिन दल दर्ता गर्ने समय आजसम्म रहेकाे छ ।

अहिलेसम्म आयोगमा दर्ता कायम रहेका दलहरूको संख्या १३२ पुगेको छ भने यौनिक तथा लैङ्गिक अल्पसंख्यक समुदायको ‘समावेशी समाजवादी पार्टी’ पनि निर्वाचन आयोगमा दर्ता भएको छ । यता आयोगका प्रवक्ता भट्टराईले निर्वाचनका लागि आवश्यक प्रक्रियागत काम अघि बढाएकाे र सबै राजनीतिक दल निर्वाचनका लागि तयार भएको बताउँदै निर्वाचनको वातावरण थप सुनिश्चित गरेको उल्लेख गरेका छन् ।