पूर्व प्रधानन्यायाधीश प्रधानमन्त्री, अर्का पूर्व प्रधानन्यायाधीश कल्याण श्रेष्ठ राष्ट्रपति बन्ने योजना असफल भएपछि सुशीला कार्कीको सरकार ढालेर कल्याण श्रेष्ठ प्रधानमन्त्री बनाउने नयाँ सत्ता समीकरणको भूमिगत खेल सुरु भएको छ । राजनीतिक बृत्तका अनुसार यो खेल सफल पार्न बिचौलिया दीपक भट्ट ज्यान फालेर सकृय रहेका छन् । कल्याण श्रेष्ठ पनि यो संविधानको बिरोध गरिरहेका छन् ।
राजनीतिक र कूटनीतिक बृत्तमा समेत दीपक भट्टले गोप्य संवाद चर्कैरुपमा बढाएको चर्चा बाक्लैछ । उनले विभिन्न शक्तिकेन्द्र र पार्टीहरुवीच गठजोड मिलाउने प्रकृया थालेका छन् । जेनजी आन्दोलनपछि भयभित भएर किनारा पुगेका नेताहरु र जेनजी पुस्ताका प्रभावशाली युवाहरुलाई समेत संवादमा ल्याउने काम यिनै भट्टले गरिरहेको कुरा सार्वजनिक रुपमा चुहिएका छन् । यसैवीच एमाले अध्यक्ष ओली र पूर्व प्रधानन्यायाधीश कल्याण श्रेष्ठवीच भेटघाट पनि यिनै दीपक भट्टले सम्भव तुल्याएकाले पनि सरकार बदलिनसक्ने अनुमान गरिएको छ । कांग्रेस सभापति शेरबहादुरदेउवा र कल्याण श्रेष्ठवीच पनि यिनै भट्टले भेट गराएको बताइन्छ । यो मामिलामा माओवादीलाई पनि सहमत गराउन भट्टले संयोजक  प्रचण्डसँग भेट गरेको र नयाँ बनेको नेकपामा सहमति जुटाउने प्रयत्न थालेको चर्चा छ । यसैवीच कल्याण श्रेष्ठले भारतीय लवि र पश्चिमा लविसँग रणनीतिक छलफल गरिरहेका छन् । यसैका लागि सम्भवतः सुशीला कार्कीको राजीनामा माग्ने र विध्वंश सुशीला समूहले नै गराएको आरोपसहितको प्रचारवाजी भइरहेको छ ।